「痛、痛、痛，細力啲啦，痛死我啦。」 

　女人淚眼汪汪、可憐兮兮地看着男人，讓他心頭一緊，但心痛還心痛，下手還是得狠心、用力一點。 

　「好痛呀！」 「乖乖地啦，我唔用力啲捽散啲瘀血，你隻腳有排都唔好呀……」

　 無視女人的大呼小叫，男人繼續用手掌沾藥膏按摩女朋友的腳背去瘀，誰讓他的天使不小心又受傷了。

　「得啦。」女人馬上縮回腳，呼呼叫痛。「天日繼續。」「喂呀。」「聽話。要捽多幾日，仲有，呢幾日唔好著高踭鞋啦。」

　 男人去洗手，回來見女朋友還是氣呼呼地鼓起面頰，像可愛的倉鼠一樣，眉眼帶笑地拍了拍天使的頭安撫。坐回女朋友身邊，讓她靠在他的身上。在男朋友懷裏撒着嬌的她合上眼眸嘆氣。 

　「我都唔知點解，成日都咁論盡嘅。」「唔緊要啦，嗱，以後有咩粗重嘢呢，就留番畀我做，屋都唔使你執啦，等我執，咁你咪少啲機會整親咯。」 

　女人張開眼眸，眉眼彎彎地輕笑，用手指點了點他的臉。「聽住先啦，你咁忙，你會執屋咩？」「會，我梗係會執啦，我點捨得你為咗幫我執衫換季又搞到自己撞親呀？我心痛你。」 

　男人將扣在自己右手心把玩她的右手放到唇邊親上一囗，更將女友圈抱得再緊一些。

　 「口甜舌滑啦你。」「我認真㗎，嗱，遲啲你搬入嚟住，我就請個鐘點上嚟幫手打理家頭細務，咁你咪可以舒舒服服做少奶奶咯，得閒我哋就喺度享受燭光晚餐，你煎吓牛扒畀我食，可以配翻支靚紅酒，生活幾咁寫意，你話好無呢？」 

　男人目光溫柔地向女人描繪着他倆的未來，聽得她一臉害羞、期盼又憧憬。男人的眼眸載滿情愫，女人笑了，笑容與男人如出一轍。

　 幸福，其實很簡單，有你有我，待在彼此身邊，心就滿足，此生足矣。◇