蔡瀚億（Baby John）早前為珍寶冷氣機拍攝新一輯廣告，要與一隻萌爆鬆獅狗合作，互動之餘還要玩遊戲，但人狗始終「雞同鴨講」，BabyJohn與狗狗在拍攝時難免出現「向左走向右走」情況，令他哭笑不得。

　Baby John以前拍電影都有與狗狗合作拍攝的經歷，但今次向更高難度挑戰，負責指揮狗狗，可惜鬆獅狗唔聽佢支笛，無論手指指去邊都沒有反應，大家唯有出盡法寶吸引狗狗注意，最後由狗主扮狗女叫聲才有反應，場面搞笑。

　Baby John表示：「我本身都鍾意狗，之前又同狗仔見面交流吓，所以冇咁陌生；但狗狗都好叻，唔會亂吠。其實今次拍攝都算順利，全靠狗主扮狗女叫聲，之前試過用好多物品、打鑼打鼓都唔得，食物都唔掂，最辛苦當然係狗主人。」◇