鄺潔楹赴加拿大拍攝極光凍到僵

 鄺潔楹(Judy)同周奕瑋早前到加拿大黃刀鎮拍攝的無線聖誕微電影,近日已經播出,提到今次拍攝極光之旅,當地天氣最凍達零下三十度,Judy笑言有「生不如死」的感覺︰「出發事拍攝團隊已同我們講當地唔係非一般的凍,大約負十幾度,不過當我們去到較北地方拍攝,最凍去到負三十度,真係有生不如死感覺,自己意志都好弱。」

 雖然Judy凍到僵,不過當她拍攝玩雪撬狗時,玩得太開心而忘記凍的感覺,她表示︰「有一日拍我玩雪撬狗,故事講我之前因為一啲事唔開心,玩了後心情變好,雖然當日天氣零下十幾度,但玩得好開心,完全將凍忘記。」

 提到今次主要拍攝極光,不過Judy笑言他們不夠運,她笑說︰「今次主要想拍到極光,去到咁凍地方係想睇到極光,但好唔好彩,因為當地全年有二百幾日都可以睇到,而我們就是去了剩下那百幾日不唔係好睇到的日子。」雖然Judy直言有點遺撼,但仍被當地的靚景吸引,她表示︰「其實見到少少,但唔係最靚綠色走來走去那種極光,呢個係拍攝上一個小小遺撼,但成個旅程除了好凍外,風景真係好靚,好似荷里活冰雪世界電影咁靚。」

 此外,Judy今次加拿大之旅更化身「美女廚神」,炮製四餸一湯慰勞拍攝團隊,她說︰「因為當地好乾燥,而且已經食了好多日pizza同burger,所以我就煲湯同煮飯畀大家食,因為以前自己在美國讀書,有煲湯習慣,因為掛住屋企人湯水,所以學了煲湯,今次煲粟米蘿蔔豬骨同雪梨蘋果,呢啲外國超市都買到。」◇