原創劇《向西聞記》上周播出單元《咖喱雞》後反應超好，今日（四月二十六日）hmvod免費睇將會推出由張沛樂（沙律）及陳安立（Brian）主演的另一全新單元《PTGF & PTBF》；兼職女友及兼職男友為近年興起的爭議性暗黑行業，這個新單元正是講述做ptgf（part time girl friend）的沙律遇上abc陳安立，導他入行做ptbf（part time boy friend）之餘，仲親自傳授食女攻略，不過兩人卻在複雜的感情世界開展了一段純純的關係，Brian更上演甜蜜公主抱，抱住沙律行海旁，浪漫到呢....

　片中自然有提到時下港男港女的情感，沙律教Brian溝女要簡單直接，在「又高又型又靚仔，講咩都係道理」的「金科玉律」之下，就應該兜口兜面同對方講「今晚我想x你！」沙律呢條爆粗片日前流出，不足一日已過十二萬views，她對此笑說：「戲裏面講粗口冇咩心理障礙，因為好多時啲戲唔俾講粗口，有得講嘅時候相對令自己放啲，不過我平時甚少講粗口，唔會好似戲入面咁粗口爛舌。拍呢套戲係輕鬆同有啲興奮，因為見到啲對白又講粗口，又有少少鹹濕成份，都幾搞笑。」

　至於ptgf這種特殊行業，其實沙律不太了解，「開頭好唔明點解要做呢個行業去搵錢？冇可能要用自己身體嚟交換，但當我接咗呢個角色，我就認真諗佢哋嘅心態，好似呢個角色嘅設定佢因為被男人呃，感情受創，唔係真係為錢，呢個行業令佢認識更多男人去了解同溝通，知道男人需要啲乜嘢，點樣去做好一個女朋友，我諗嘅係反而內心嘢多，ptgf唔等如做雞。」

　Brian就覺得今次演出好玩，其角色由純純兔受到誘惑成為ptbf甚至職業高手，周游不同女性之間，再走上成魔之路，逐漸迷失；拍前他除了上網睇真實的ptbf剖白外，更煲李察基爾的經典電影《美國舞男》（American Gigolo）作為參考。◇