何珮瑜錄定醉酒片攞靈感 鄭欣宜為拍劇狂隊酒
由何珮瑜（Jeana）、連詩雅（Shiga）、雨僑（Ava）及陳嘉莉（Kelly）四位性感女神加新搞笑小天后鄭欣宜（Joyce）主演的現今女性話題網劇《性敢中環》，第二集於六月二十一日（五）hmvod免費有得睇。
新一集講到幾位女主角都愛好杯中物，喜愛夜蒲但又經常醉酒鬧事！其中欣宜更打真軍，對於平時唔多飲酒的她表示﹕「都幾辛苦，要不停咁飲！」其中一幕飾演幼稚園Miss的欣宜更要在成班小朋友面前嘔，「他們一cut機就會笑我，我很鍾意小朋友，所以要在他們面前咁冇儀態，都有點唔習慣！」
而Jeana在劇中需要飾演一個經常發酒癲的角色，其中一幕更要醉到爆樽，但她表示自己不敢飲真酒，怕focus不到走位、角度等等，「所以我平時會叫朋友用我電話錄低我飲醉的神情，等自己睇番可以摸索到，用番喺拍戲上面。」
今集講到飾演KOL的雨僑和其經理人的蔡瀚億（Baby John）因工作上嗌大交，身為美容達人的雨僑被開價二十萬影一個咖啡productshot都照推，「其實角色同自己本身都幾似，都係KOL，不過我就冇劇中角色咁固執和自負，客人要咩都會盡量配合。」◇
