由mm2投資，衛詩雅及林德信主演，吳耀漢、吳浣儀、關寶慧演出的驚慄懸疑電影《雙魂》日前在香港正式上映，該片於馬來西亞取景拍攝，講述陰沉的衛詩雅自少得不到父母的愛，工作亦受同事欺凌，其後父親離奇失踪，霸凌者離奇死於非命，直至重遇陽光開朗的兒時玩伴林德信後，真相逐步浮面。

　電影中兩位男女主角林德信和衛詩雅近日走遍港九新界，連跑多間戲院謝票，戲中另一「主角」鬼娃娃「荳荳」亦有同行。除了感謝觀眾入場支持外，由於電影中劇情充滿懸疑，二人更即場解答觀眾的疑問，分享自己對角色的睇法兼派禮物，最後更與現場觀眾合照留念。

　提到即場解答觀眾疑問，衛詩雅笑言自己超愛答問題，同時亦令她非常感動，她說︰「感動的是觀眾都好聰明，睇到一些連我都冇留意嘅細節位，證明佢哋好用心去睇呢套戲。」其中一場謝票中，更有外國人入戲院支持，她感到非常驚喜︰「入到戲院見到有外國人，當時真係好開心，因為有唔同國藉嘅人睇，可以畀唔同意見我。」她直言滿意自己的演出，並謂︰「我覺得盡咗力就得，對得住大家，當然票房愈好就愈開心。」

　至於林德信同樣大讚入場支持的觀眾，他說︰「觀眾好叻，有大部份人睇第一次就已經明白劇情，有幾個觀眾仲睇得好清晰，細緻位都睇到，但我也未必可以睇到晒所有嘢。」為了看到觀眾的反應和口碑，林德信更於散場後在門口「視察」，他說︰「見到好多觀眾完場後繼續去傾劇情，自己好開心，最開心令到觀眾睇完後同朋友一齊討論，好多時大家入戲院睇完戲後，離開時或者返到屋企就忘記咗。」◇