本月二十四日是伍詠薇（伍姑娘）的五十一歲生日，雖然香港新冠肺炎疫情漸趨嚴重，但伍姑娘與老公練海棠一於少理，照舊約好友食生日飯，繼日前冒住「霧化傳染」危機，唔怕變「邊爐家族2.0」同朋友食火鍋後，她再跟契妹陳敏之和契細佬陳山聰一齊飲Sake短聚，山聰大肚妻Apple等亦有出席。

　敏之日前於社交平台上載合照及短片，與網友分享當日的開心Moment，片中，眾人向壽星女驚喜送上「大口仔蛋糕」，令伍姑娘開心到唱歌，還即刻錫咗敏之、山聰和Apple面珠兩啖；幾杯落肚後，飲到面紅紅的伍姑娘High爆與敏之、山聰「無限kissy kissy kissy kissy，再來兩輪kiss」，相信大家都好盡興。

　敏之留言︰「Dearest Sis，Happy Birthday。妳最愛的...已在妳身邊...齊晒，搵到，賺到，身體好，日日咁靚。」◇