湯怡晨早行山喜遇發哥

 六十七歲影帝周潤發(發哥)出名是行山發燒友,經常都有藝人、市民在山上野生捕獲他。所謂「早起的鳥兒有蟲吃」,一向熱愛運動的湯怡亦早起有運行,事關前日清晨她跟好友周家怡去跑山,結果好好彩偶遇發哥,湯怡自言夢想成真,非常興奮!

 湯怡於社交平台發文留言:「除咗馬拉松以外,我真係未試過晨早五點起身跑步,瞓醒嗰刻落緊勁大雨,但大家都話照跑,既然大家意志咁強大,我又第一次跟跑,放飛機好似唔係咁好,所以即刻彈咗起身,天公造美,全程無雨之餘,回程時迎面撞到發哥!係!係發哥!同佢high five咗仲講咗句早晨!嘩!原來傳說中跑步跑山可以撞到發哥係真㗎,多謝家怡@kayeechau帶我去玩。」並附上跟發哥的合照,而發哥也貫徹一向作風負責揸機自拍,眾人見到這位影帝都笑得特別燦爛,不過戴上Cap帽的發哥露出白色髮鬢,似乎抗疫期間都懶於染髮喎。◇