歌手柳妍熙（Scarlett）接受香港開電視主播馬梓軒訪問，Scarlett表示投資過千萬籌辦的藝人練習生訓練學校，原定去年九月開課，但受疫情影響，開校進度一再延期，令她大失預算：「學校拖咗咁耐都未開到，但租金就一直交，所以都好大壓力！但樂觀啲睇，正因為疫情，令我有充份時間準備得更好，我當正學校係我BB一樣，期待佢出世！」

　身為前國家短跑運動員的Scarlett，坦言辦學過程縱然波折重重，但就如比賽一樣不會輕言放棄，她表示：「可能我有運動員精神，就算疫情下我都冇諗過放棄，堅持到底！為咗籌備學校，我每日瞓得三、四個鐘！雖然辛苦，但覺得好充實，好開心！」

　Scarlett為了學校工作忙個不停，談及能否兼顧音樂工作，她指：「其實有時都好對唔住啲Fans，特別係呢二年，成日都話想出歌，希望今年底或者出年，可以有多啲新作送畀大家！」◇