陳奕迅（Eason）於演出後，回到後台受訪時透露是次受到許冠傑及郭富城的演出啟發，得到概念去促成今次慈善演唱會。

　Eason原本去年十二月在紅館演唱會，因社會運動而取銷，這次再臨紅館，他說感覺大有不同：「因為冇觀眾，演出時同圍內一班朋友玩，玩緊時知道有觀眾睇住，但玩玩吓又會唔記得咗觀眾，但突然又會醒起『係喎，有人睇緊』，會覺得有啲位可以再嚟過。」不過，他很滿意今次演出，大讚無論效果、音響等都有國際水準。是次慈善演出提供至少一百個工作機會，Eason說：「好好，大家有薪水、有嘢做。其實由去年開始見到好多人冇工開，曾諗過「自己好冇用」。但我個人生活過得好充實，托賴可以維持到，可以在家做下換燈膽、整下牆角、接送囡囡，做番正常人做嘅嘢。」

　今次演出日夜場只得一小時，Eason也覺「唔夠喉」都想有part2：「要睇疫情發展成點，我好想，但暫時安排唔到住。」他說暫時仍然停工，始終以健康同安全行先。對於突然多了時間，Eason愛上做GYM：「本身十二月演唱會係自己四十幾年人第一次做GYM，以前好憎，但一做就上癮，做咗GYM之後身體又好咗，肌肉線條又好咗，條腰又好咗。最鍾意就係一路舉、一路嗌。」

　Eason還同時愛上跑步，他說每日至少要跑四公里。他又透露準備今次演出有壓力，日前有次在家中着波褲，被老婆形容皮膚鬆，Eason即刻嬲到發脾氣：「好彩老婆都知我壓力大，冇嬲到我，第二朝都有同老婆道歉。」◇