藝人方健儀（Akina）拍攝香港開電視《娛樂頭條E-news Headline》星級教室環節，向主播馬梓軒分享提升口才心得。Akina稱演說時，用一段精彩的開場白吸引觀眾至關重要：「我好鍾意用反問句！例如主題係致富，開頭可以話『在座有冇邊位好想發達？』然後加上表情同語氣，就可以勾住觀眾思維，同時亦可以敲醒大家唔好瞓覺啦！」

　Akina現在口才了得，但原來昔日她是一位沉默寡言的小孩，她坦言：「細個真係唔鍾意講嘢，甚至喺我小學三年級，班主任話我有自閉症！所以我細個同父母講話想做記者，佢哋都係得啖笑，因為覺得同我性格完全唔匹配！去到而家，我有時會問父母『我去到呢個階段，應該都冇令你哋失望啩？』然後佢哋點頭話係啊，記得準時畀家用就得啦！哈哈！」◇