事隔四年，小肥將於今年推出全新專輯，碟內與Serrini合唱的單曲《青春頌》已推出，兩人日前更為歌曲參與ＭＶ的拍攝工作。

　今次專輯由陳輝陽監製，當中翻唱過去十年的十一首經典廣東歌及一首全新作品，其中一首翻唱歌曲便是許廷鏗的《青春頌》。小肥分享這首歌的誕生過程，道：「陳輝陽同我講話想做男女合唱版的《青春頌》，問我有冇相熟女歌手，把聲又同我夾到，但我未諗完，陳輝陽就建議搵Serrini，我聽到梗係話好！」多得陳輝陽，成就了小肥與Serrini的首度合作。

　Serrini予人感覺總是很多鬼主意，不過小肥對她卻有不同的看法，他說：「合作前都有聽Serrini嘅歌，亦鍾意上網睇佢啲訪問，因為我都鍾意聽佢講嘢，尤其我好想unlock（釋放）自己，會覺得佢做人嘅隨心、唔理人點睇嘅個性好值得學習。到正式合作，發現佢真人原來比較內向，可能我哋未熟到佢會將平時好有趣嘅一面攞出嚟，希望大家以後再合作多啲，畀多啲有趣嗰方面我睇啦！」

　在推出的《青春頌》ＭＶ是以學生生活作背景，風格很有《那些年，我們一起追的女孩》的感覺，Serrini亦有抽空參與其中，小肥透露，今次製作十分大陣仗，因為陳輝陽找來電影製作班底拍攝，他到達現場後看到製作組的陣容時也嚇了一跳，更一度以為自己去錯地方。兩人雖然未有扮演當中的角色，但小肥笑言如果有機會，都想嘗試與Serrini扮演好姊妹，並一起愛上許廷鏗，來個爭仔大作戰呢！小肥說：「要多謝《青春頌》許廷鏗本尊，亦好開心佢聽完後俾咗好多心同加油公仔我。」◇