湯洛雯新劇有床戲
湯洛雯（靚湯）與大廚黃亞保日前到尖沙咀出席清酒活動，靚湯並挑戰廣東海鮮擺盤。
靚湯表示，食飯時都愛飲小小清酒，最近就鍾意飲柚子酒，男友馬國明有時食西餐就會輕酌，但打邊爐就不會飲酒，而他們的酒量都不算太好，男友有時為怕揸車有危險，都會叫她在外面不要飲酒。問到靚湯可有試過酒後亂性？她笑說：「我同男友都彼此信任，不會酒後亂性。」她自爆幾年前同高海寧去日本，二人都不是飲得之人，有晚大家飲完酒之後攬住哭訴心聲。
提到馬明近日拍攝新劇《隱形戰隊》，劇中與唐詩詠會有床戲，靚湯表示，有睇報道都知道，並透露在新劇中跟黃嘉樂都有床戲。她說：「我同導演要求用意識形態交代，我性感尺度是可以低胸露背，但露股就不得，今次已到了我的盡頭，我個角色會由平胸到隆胸，會有谷胸場面，對我來說都幾大膽。」她又表示，事前都有向男友提及，但不是報告是尊重，男友都認為電視尺度有限，而他本身都好「佛系」。
靚湯早前因為愛貓離世而心情低落，她表示，最近心情已平復，目前仍有養兩隻貓及一隻狗。問到她會否再養多隻貓？她表示要睇緣分。◇
