張敬軒15歲愛犬離世
張敬軒的十五歲愛犬「妹妹」老弱多病,但曾搶救後一度奇蹟生還,直至前日凌晨終於離世。軒仔透露「妹妹」離世前見齊所有家人,他在社交平台宣告不幸消息:「今日傍晚七點,妹妹畢業了,佢見均曬所有屋企人,一切都好平靜。十五歲幾,對於哥基嚟講,已經好叻好叻了。佢由細到大都好勇敢,好殘雞,好拽。可能因為佢咁嘅性格,先至一次又一次咁樣喺鬼門關沖返出嚟。」
軒仔感謝醫護一直以來對妹妹的醫治和照顧,令牠沒受到太多折磨,即使器官衰竭,仍然食得瞓得、精精靈靈、舒舒服服。最後多謝恩人兼好友梁祖堯、湯駿業和邵美君的幫助及網上幫「妹妹」打氣︰「妹妹可以有之後嘅十三年,全懶有你/你哋。我亦都代表妹多謝各位喺網上面幫妹妹打氣嘅哥哥姐姐,多謝大家嘅愛﹗」一眾圈中好友王菀之、Gin Lee、鄭融、傅珮嘉等都送上祝福,而謝安琪留言:「妹妹在你心中,你也在她心中」、胡定欣則表示:「因為有你,妹妹同樣叻叻,Big hug」。◇