李靜儀（Heidi）與MIRROR成員AnsonLo（盧瀚霆）、《全民造星Ⅲ》十強李炘頤（Alina）、蘇皓兒（Chloe）和新人陳紫萱主演的電影《假冒女團》近日上映，日前Heidi的一班粉絲特地於北角戲院包場齊撐Heidi，雖然Heidi連日來忙為電影宣傳，但難得與一大班粉絲聚會，她仍抽空現身，還於戲院內坐定定與粉絲一齊睇戲。

　因疫情關係，Heidi已有兩年多未有跟粉絲近距離接觸，不過原來這並不是她首次與粉絲一起包場睇戲，她說︰「以前拍《微交少女》，試過一齊睇戲，不過已經係好耐之前嘅事，成日都想同粉絲有聚會，好似之前打算同Aka（趙慧珊）一齊同粉絲搞生日會，都因為疫情取銷咗，好開心今次可以同粉絲一齊睇戲。」提到今次粉絲包場外，還製作了一系列「應援紀念品」，Heidi大讚很有心思，她說︰「佢哋好有心，初時我以為只係包咗一間，原來係兩間，仲有粉絲因為痛位嚟唔到一齊睇，覺得好唔好意思。」

　提到今次與粉絲一齊睇戲，Heidi透露有粉絲即將移民，今次是最後一次見面，她得知後直言感到有點不捨，她表示︰「我聽到後有點唔捨得，好似一個朋友同你講要移民，以後唔會再見，所以好珍惜當晚一齊睇戲嘅時間。」她又笑言有粉絲穿畢業袍來睇戲，她被對方「搞喊」，她笑說︰「有粉絲著畢業袍搵我影相，覺得好感動，聽到佢話由中學鍾意我到大學畢業，陪伴佢一齊成長，聽到後都眼濕濕，好多謝一粉絲陪住我成展同進行，感謝佢哋一直嘅支持。」◇