《香港寵物節2022》於香港會議展覽中心舉行，而《第一屆卡格動物毛範獎頒獎典禮》一眾藝人除了拍片支持外，陳薔天（麥潔文的女兒）、文佩玲、嚴淑明等現身支持，場面相當熱鬧。陳薔天（天天）表示「卡格（Kakato）是一個細心行善的組織，能夠為是次儀式助陣相當榮幸。」

　原來這次是天天首次出席寵物展，她指場館內的小動物非常可愛，向來好奇心重又貪玩的她，知道卡格（Kakato）的狗糧標榜用料優質、天然後更當場試食，食後表示「真心好食，其實減肥食都幾好啊！哈哈！見到好多唔同既食材配搭，其中一款有杞子，感覺各方面的營養都照顧到！」

　席間，天天在場內被大蛇纏身，場面令人緊張又好笑，看來天天都有些膽量，但被問到有何感受時，她竟這麼說：「心底其實都幾驚，因為大蛇一直在我耳邊發出嘶嘶聲，但問過工作人員，原來這是大蛇的呼吸聲後就回覆安心，甚至覺得幾有安全感，因為大蛇都頗重。」

　最近在不同的電台都開始聽到陳薔天的新歌《奢侈的夢》，不知道她對這首歌有甚麼期望呢？天天說：「好開心啊，推出由自己曲詞嘅歌《奢侈的夢》，最近亦有幸喺公眾地方將依首歌唱比大家聽，上一首歌能夠得到好成績全靠各路朋友同樂迷既支持啦！能夠得到好成績當然開心啦，對於今次新歌都係平常心啦，做好自己啊！同《奢侈的夢》想帶出既嘅信息一樣啊！」◇