陳彥行因為被爆囡囡生父嘅身份，而喺社交平台嬲爆發文，指自己被識咗廿年嘅朋友出賣：「人與人之間已經沒有甚麼信任可言了，認識了20年的朋友也會出賣你，人生又上了一堂課。」

　呢則帖文一出，唔少網民都猜測呢位「出賣者」身份，當中更有人估係梁思浩。

　而喺行姐出post17個小時後，梁思浩亦喺社交平台發文：「以正視聽。多年來佢聲稱『單身』所以我和其他朋友都唔知道佢有『男朋友』我和其他朋友亦唔知道佢『生咗女』。所以記者朋友、傳媒朋友不要再不停地找我，我們已經超過三年沒有聯絡，也沒有見面！」

　不過，據知思浩同行姐認識超過30年，所以同行姐講「認識了20年的朋友」嘅線索根本唔吻合。◇