張敬軒（軒仔）日前出席活動，對於入圍叱咤「我最喜愛的男歌手」五強，他以平常心對待。

　軒仔說：「今年要做晒功課先，之前有些講了會做，但都未做到，因為今年年頭屋企有事，一直都出入醫院。（屋企人無事吖嘛？）頭痕囉！老人家。我現在基本上都是做番之前簽了約的工作，無再加新工作，每日出來工作都會擔心，始終我屋企得我一粒仔，好多事我要處理，有今生無來世，衡量過覺得屋企最重要。」

　軒仔透露，父親做了腳及眼手術，早前去了廣州看醫生，但行得麻麻，故今個月會搬回香港住。他說：「我現在四處搵醫生，最近打得最多的電話就是打畀醫生，所以最緊要珍惜生命，不要吸煙同飲酒，因為我爸爸以前食好多煙。」

　軒仔直言，近年除了巡迴演唱之外，已經處於減產狀態，因為年紀不再年輕。他說：「今年對我是幾棘嘅的年，屋企人好影響，但相信會好的。」除了家人身體外，家中愛貓早前逝世。他說：「我媽咪當牠是孫湊，牠全身有百幾個腫瘤，面目全非，牠走得好痛苦。不過人同貓去到某個年紀都會是一樣，所以我不會退休，但會放慢腳步，身體要緊。」◇