21日是一年一度的父親節，向來暖心陪伴觀眾渡過每個佳節的TVB，早前推出了由鍾志光（鍾仔）夥拍新晉小花李海銅拍攝的應節宣傳片。

　這段以「爸爸的溫度，不變的守護」為主題的宣傳片，雖然時長只有1分鐘，但卻貼切道出了現今爸爸的苦況，以及他們對子女的「一顆不變心」，感人又窩心！內容講述李海銅小時候當正爸爸鍾志光是偶像，經常「爸爸」、「爸爸」掛在口邊之餘，還會每事都會先問爸爸點解。而每次鍾仔溫柔又耐心地解答後，小李海銅都會開心地回應：「點解你乜都識嘅？」

　但隨著李海銅長大及AI愈來愈進步，李海銅的「每事問」對象由爸爸變成了AI，更經常請想熱心幫忙的爸爸食閉門羮；雖然如此，鍾仔依然沒有放棄任何關心女兒的機會…直到有一天，李海銅於下雨天失業，當她含淚問AI卻得不到想要的答案及安慰時，鍾仔及時現身為她撐起傘擋雨，並以小時候的對答問女兒：「仲記唔記得點解會落雨？」，之後更靚Tag雲伯伯喊完落完雨之後就會雨過天晴：「喊完就冇事㗎喇」，簡單一句盡是窩心。

　本身是兩子之父的鍾仔，談到相關宣傳片時，亦大讚有意義有溫度：「CID同事呢條短片真係拍得好好，因為創作團隊觀察入微、睇到而家嘅社會現象。片入面嘅小妹妹代表咗時下香港嘅小朋友，佢哋細個時社交圈子細、接觸嘅嘢冇咁多，所以所有嘢都會以父母為依據、當父母係偶像。但當接觸嘅嘢多咗、加上又有AI等等嘅誕生，佢哋就會相對覺得父母Old school，例如短片入面阿爸叫個女食生果，但個女仲覺得阿爸唔識嘢。」、「但原來AI雖然畀到資訊，但隨住故事嘅發展，就會見到喺極度失意嘅情況下，會伸把遮出來為個女遮風擋雨嘅始終係爸爸，人與人之間嘅互動同溫度，唔係AI可以取代得到嘅。希望大家睇咗條片，可以靜心諗多一諗，明白到父母一定愛子女嘅，而呢份愛係AI取代唔到嘅。」

　今次是李海銅首度與鍾Sir合作，她接受tvb.com訪問時，大讚鍾仔風趣幽默，「我比較慢熱，但鍾Sir好好人，佢同我分享咗好多拍《愛‧回家》嘅趣事，幫我warm up，又會主要同我夾吓邊個位我可以挨落佢膊頭，好細心。」 李海銅續指拍攝當日撞正黑雨：「嗰場戲最後水車都唔使book，我哋係喺紅雨警告下完成咗呢場戲（黑雨時安全問題停拍），好難忘。」 她還大爆鍾Sir一個窩心舉動：「因為喺戶外拍攝，要去公廁換衫，鍾sir搵到一間比較乾淨嘅洗手間，因為只有一格，又礙於拍攝時間緊逼，佢就讓咗畀我，自己去另一個洗手間換。」◇