TVB飲食資訊綜藝《與廚同行家樂牌專業餐飲呈獻：美食強人》，逢星期一至五晚9時30分翡翠台播映，由視帝陳豪與視后龔嘉欣擔任主持，陳浚霆與林秀怡則擔任「探店專員」，發掘大灣區「強中之強」代表美食。

　27日和明晚28日播出的第七、八集，主題美食是「咕嚕肉」，星級食評家是麥玲玲、樊亦敏和糖妹（黃山怡）。挑戰「咕嚕肉」GBA評級的四間餐廳，分別是位於油麻地的「煙火味魚肉咕嚕肉」、尖沙咀的「兩溝鬼馬咕嚕肉」、銅鑼灣的「流入民間的富豪滋味咕嚕肉」，及廣州的「初戀咕嚕肉」，價錢由78元人民幣（約92港元）至248港元不等，今集更會出現首間「Bye」多過「Buy」的食店，專業評分更低至54.9分，想知是哪一間就要收看節目。

　今集各大美食評審繼續給予最真實的食評，有人支持創新，有人則堅持創新得來要堅持傳統味道。其中一間食店以豬頸肉代替傳統的梅頭去炮製咕嚕肉，行業廚務顧問楊國基表示：「我麻麻地豬頸肉去做囉，佢好聰明用啲木瓜、用啲雜菜去醃佢，但始終覺得梅頭咬落去係舒服好多。」李家鼎亦表示：「因為好多嘢都唔係咁樣做法，或者各施各法啦。」至於Mott32集團行政總廚李文星則坦言畀高分：「因為豬頸肉本身係脆嘅，佢食到最尾一舊都係脆嘅。」

　現場雖然充滿火藥味，但主持與嘉賓們都落力製造笑料來緩和氣氛。樊亦敏自爆去試食時會出動兩大「法寶」——探熱槍和電子磅，她說：「睇吓個餸嚟到夠唔夠熱」、「會秤吓外賣同堂食係咪一樣。」之後她給其中一間食店「Bye」，隨即解釋即場為咕嚕肉「磅重」，發覺外賣的分量比較大。此時黃永幟（幟哥）忍不住笑着說：「咁麻煩，我唔做你生意呀！食餐飯又磅又探熱針，唉！唔好搞我。」站在幟哥身旁的林秀怡即說：「冷靜啲。」互動笑翻全場。

　至於陳豪與陳浚霆則大玩「食字」Gag娛賓！當眾人討論「初戀咕嚕肉」這個菜名是否貼切時，陳豪忍不住發表「偉論」，指大家對「初戀」的解讀各有不同：「初戀嘅意思即係咩呢？即係『搓』呀，好鍾意搓咪『搓戀（初戀）』囉！」他更邊說邊做出「搓」的動作，全場

　拍掌。至於黃隆滔表示自己光顧了其中一間食店兩次，原來第一次去時，大廚剛好去了比賽，令他只能品嚐咕嚕蝦，無緣吃到咕嚕肉；幸好第二次去終於一償心願：「第二次去真係正喇！」西Dorsi亦笑指去該店時，懷疑大廚同樣不在場：「我嗰份完全冇蝦，淨係得肉。」此時陳浚霆發揮急才說：「佢唔想侮（冇）辱（肉）你，所以咪畀啲肉你囉！」引得全場大笑，林秀怡更激讚這是「高級Gag」！◇